Pakyas ang Filipina tennis star nga si Alex Eala nga makasulod sa quarter-finals sa nagpadayon nga Indian Wells Open human kini mapildi batok sa world number 14 nga si Linda Noskova sa Czech Republic.
Bisan pa sa gipakita nga kaisog ug determinasyon sa 20-anyos nga Pinay, mas nanaog ang kasinatian sa mas dekalibreng kaatbang.
Nahuman ang dula pinaagi sa duha ka sets pabor kang Noskova. Kahinumduman nga dako ang nahimong garbo ni Eala sa nasud human siya naka-abante sa round of 16, labi na human miatras ang world star nga si Coco Gauff sa ilang panagsangka.
Bisan pa man sa maong kapildihan, giila gihapon ang nahimong dagan sa kampanya ni Eala sa usa sa pinakadako nga torneyo sa tennis sa tibuok kalibutan, butang nga nagpamatuod sa iyang nagkataas nga kalibre sa maong dula.