Nadepensahan ni Mexican star Emanuel “Vaquero” Navarrete ang iyang world title sa WBO super-featherweight title batok sa Filipino contender ug kanhe Olympian nga si Charly Suarez.
Midaug pinaagi sa unanimous technical decision si Navarrete.
Mibasi sa scorecards ang desisyon sa tulo ka hurado nga mipabor kang Navarrete sa iskor nga 76-75, 77-76, ug 77-76.
Nagmainiton ang dula sa duha ka mga boksingero sa kada round, apan mihunong ang duwa sa pila pa ka segundo sa Round 8 human si Navarrete dili na makapadayon human nagkadugo ang samad sa ibabaw sa iyang wala nga kilay, nga gituohang gikan sa aksidenteng pagbangga sa ulo nila ni Suarez.
Sa Round 6 pa lamang, nakabton na og injury si Navarrete og misamot lamang kini pag-abot sa Round 8.
Gumikan sa kapakyasan ni Suarez, gilayon kining nangayo og rematch kang Navarrete.