Gikumpirma ni Palace Press Officer Undersecretary Claire Castro nga nagpabiling hugot ang baruganan ni Presidente Ferdinand Marcos Jr. nga dili na mosalmot pag-usab ang Pilipinas sa International Criminal Court (ICC).
Kini ang gibutyag ni Castro pinaagi sa usa ka interview didto sa New York, diin iyang gipasabot nga ang kasamtangang administrasyon wala’y plano nga usbon ang ilang desisyon kalabot sa maong isyu.
Kahinumduman nga niadtong 2018, opisyal nga mibiya ang Pilipinas sa ICC ubos sa pagdumala ni kanhi Presidente Rodrigo Duterte, ug nahimo kining pinal niadtong Marso 2019.
Bisan pa man sa mga giduso nga resolusyon sa pipila ka mga mambabalaod niadtong niaging Pebrero nga nag-awhag sa kagamhanan nga mobalik sa ICC, klaro ug lig-on ang baruganan ni Marcos Jr. nga magpabiling gawasnon ang nasod gikan sa hurisdiksyon sa maong internasyonal nga korte.