BAP, natala ang pinakahuyang nga bili sa piso batok sa dolyar nga salapi

Natala ang labing ubos nga bili sa kasaysayan sa Piso batok sa dolyar  nga salapi karong adlawa human opisyal nga misira ang bugti nga kantidad sa P59.50 matag dolyar.

Sumala sa datos gikan sa Bankers Association of the Philippines (BAP), hingpit nga nalabwan niini ang kanhi rekord nga P59.46 niadtong Enero 15.

Kini nga kalihukan nagpakita sa dakong pressure sa ekonomiya sa nasud tungod sa paghuyang, ilabi na human ang temporaryong paglig-on sa piso sa kantidad nga P57.51 niadtong Pebrero 25 sa wala pa mibuto ang tensyon sa tali  sa US, Israel, ug Iran.