Iring sa Texas, nakasakmit og world record!

Natala ang usa ka talagsaong kasaysayan sa Dallas, Texas human ang 7-anyos nga iring nga si Oscar, opisyal nga giila sa Guinness World Records alang sa “longest jump by a cat” sa gilay-on nga 8 feet ug 5 inches.

Ubos sa pagbansay sa tag-iya niini nga si Theodore Shiells, milungtad og duha ka tuig ug kapin 1,000 ka mga praktis ang gihimo ni Oscar aron mabuak ang maong rekord gikan sa yano lamang nga mga “tricks” kaniadto.

Gawas ni Oscar, aduna usab talagsaong talento ang laing binuhi ni Shiells sama sa iro nga si August Ray, kinsa usa usab ka surfers sa mga kompetisyon.

Ang dedikasyon ni Ray, nagpamatuod sa maong panimalay nga puy-anan sa mga “world-class” nga mananap diin andam musabay sa lain-laing natad sa kompetisyon.