Gikuwestiyon ni Senator Rodante Marcoleta ang giingong kalangan sa report sa Senate Blue Ribbon Committee kalabot sa imbestigasyon sa giingong anomaliya sa mga flood control project sa kagamhanan.
Pinaagi sa privilege speech niini, gipadayag ni Marcoleta nga pito na ka bulan ang milabay sukad gihimo ang unang pagdungog niadtong Agosto 2025, apan hangtod karon wala pa gihapoy gipagawas nga opisyal nga committee report ang komite.
Dungan niini, gikuwestiyon usab sa senador kon ngano nga wala pa gihapon gipatawag sa pagdungog ang pipila ka mga opisyal ug personalidad nga giingong nanganlan sa mga testimonya.
Matod ni Marcoleta, kinahanglan ang dinalian nga aksyon aron mahatagan og katin-awan ang publiko ug mapatubag ang mga nalambigit sa giingong korapsyon.