Magsugod ugmang adlawa, Marso 10, 2026, ang “double-digit” nga pagsaka sa presyo sa lana, nga giisip nga usa sa labing dako nga oil price hike sa kasaysayan sa nasod.
Tungod sa nagkagrabe nga tensyon sa Middle East, ang mga kompanya sa lana magpatuman og dako nga usbaw diin ang diesel mosaka og ₱17.50 hangtod ₱24.25 matag litro, ang gasolina moambak og ₱7.00 hangtod ₱13.00, samtang ang kerosene makasinati og grabeng pagsaka nga moabot sa ₱32.00 hangtod ₱38.50 matag litro.
Tungod sa kabug-at niini, ang ubang kompanya sa lana nagpahibalo nga himuong “staggered” o hinay-hinay ang pagpatuman sa maong usbaw aron dili mabug-atan ang mga motorista.
Matud sa Department of Energy, limitado ang ilang gahom sa pagpugong niini ubos sa Oil Deregulation Law, samtang ang presyo sa lana sa tibuok kalibutan milapas na sa $110 matag baril, butang nga gilauman nga maghatag og kadugangang kalisod sa ekonomiya ug presyo sa mga palitunon.