Nakabsan sa kinabuhi ang usa ka drayber human malambigit sa usa ka disgrasya tali sa usa ka pickup ug duha ka motorsiklo sa Purok 2, Barangay Managok, Malaybalay City kagahapong adlawa takna alas 5:30 sa hapon.
Sumala sa taho sa Bukidnon Police Provincial Office, nagbangga ang pickup ug usa sa mga motorsiklo sa magkaatbang nga direksyon.
Tungod sa kusog sa impact, nasapol ang motorsiklo ug natumba sa dalan samtang nabanggaan usab sa laing motorsiklo ang likod nga bahin sa pickup.
Ang duha ka drayber sa motorsiklo nakaangkon og mga samad ug gidali sa mga responder ngadto sa Bukidnon Provincial Medical Center alang sa atensyong medikal.
Apan gideklarang patay ang usa sa mga drayber sa motorsiklo takna alas 6:15 sa gabii sulod sa balay tambalanan.