Gipasalig ni House Justice Committee Chairperson Representative Gerville ‘Jinkee’ Luistro nga higpit nga pagasundon ang saktong proseso sa komite sa pagdumala sa impeachment case batok kang Vice President Sara Duterte.
Matod pa ni Luistro nga ang Konstitusyon ang magsilbing nag-unang giya sa komite, ug ang tanang lakang pagahimoon nga adunay integridad.
Sumala pa sa mambabatas, wala pa napamatud-an sa Korte Suprema ang mga alegasyon batok sa Bise Presidente, hinungdan nga importante ang hingpit nga pagsusi sa mga reklamo.
Gipasabot usab ni Luistro nga dili angay himuong lumba sa mga likes ug comments sa internet ang maong isyu, kondili kinahanglan ang seryosong diskusyon mahitungod sa mga ebidensya ug lagda sa balaod.
Kahinumduman, nga hingpit nang gideklarar nga adunay igong substance ang duha ka bersyon sa reklamo batok kang Vice President Sara Duterte.
Ang mga reklamo nakakuha og 54 affirmative, 1 negative, ug 0 abstention, sa kinatibuk-ang ihap sa mga miyembro sa komite.