Mahimo nang ipatawag ug susihon ang mga bank records ni Vice President Sara Duterte human gideklara sa Kamara nga “sufficient in substance” ang mga impeachment complaint batok kaniya.
Matud pa ni House Justice Committee Chairperson Representative Gerville Luistro, posible nga mag-isyu og subpoena ang komite aron makuha ang mga rekord sa bangko sa Bise Presidente.
Kahinumduman nga gipresentar ni Bicol Saro Party-list Representative Terry Ridon ang dagan sa net worth ni VP Sara sulod sa pipila ka tuig.
Matud pa, niadtong 2008, ang iyang bahandi anaa lang sa ₱18 million, apan base sa labing bag-ong SALN niining 2024 gikan sa Office of the Ombudsman, mitaas kini ngadto sa ₱88,512,370.22.
Diin sobra sa usa ka libo ka porsyento ang pagtaas niini.
Samtang gikwestion usab ni Cagayan de Oro representative Rufus Rodriguez ang authentication or pagkatinuod sa mga dokumento.
Matod pa niini, nga sumala sa Committee on Justice, kinahanglan nga authenticated na ang mga dokumento sa dili pa kini ipakita sa publiko o sa hearing.