Gipadayag sa National Bureau of Investigation nga ilang imbestigahan ang notaryo sa joint affidavit nga gisumite sa Office of the Ombudsman sa 18 ka nagpailang kanhing mga sundalo.
Sumala ni NBI Director Melvin Matibag nga susihon sa kawani ang proseso sa pagkanotaryo sa maong salaysay.
Gusto niini nga masuta ang relasyon tali sa notaryo ug sa mga kanhing sundalo, ingon man kon kinsa ang posibleng nagtukmod sa ilang mga akusasyon.
Gisuportahan usab ni Matibag ang pahayag ni Ombudsman Jesus Crispin Remulla nga mas angay unta nga adunay tagsa-tagsa ka affidavit ang mga nagreklamo.
Gidudahan usab sa NBI chief, nganong gisulod sa usa ka joint affidavit diin nga ang mga pahayag sa 18 ka kanhing sundalo, gumikan ang affidavit kasagarang naggikan sa personal nga kahibalo sa usa ka indibidwal ug lisod masiguro kon parehas ba ang ilang nahibaw-an.
Tungod niini, planong ipatawag sa NBI ang maong mga indibidwal aron makahatag sila og bulag-bulag nga testimonya kalabot sa ilang mga alegasyon batok sa pipila ka mga opisyal sa gobyerno.