Mukabat sa dili mu-menos 1,416 ka mga Pilipino sa Middle East ang kumpirmadong nagpahayag na og tinguha nga mopauli sa Pilipinas tungod sa nagkagrabe nga tensyon sa rehiyon gumikan sa panagbangi tali sa Amerika ug Israel batok sa Iran.
Base sa datos nga gipaambit ni Senator Erwin Tulfo, adunay kinatibuk-ang ihap gilangkuban gikan sa 586 ka Pinoy gikan sa Dubai, 297 sa Israel, 270 sa Abu Dhabi, 231 sa Bahrain, 22 sa Jordan, ug 10 sa Iran.
Dugang pa sa senador, adunay usa ka airline nga nisaad na nga magpahigayon og mga special flights gikan sa United Arab Emirates (UAE) sa higayon nga mokalma ang sitwasyon aron siguruon nga luwas paghikling sa mga Pilipinong buot na mopauli sa ansud sa Pilipinas.
Gidugang usab sa senador nga andam na ang mga ahensya sa kagamhanan lakip na ang pondo nga ₱1.3 bilyon alang sa dinaliang repatriation sa mga OFW sa Middle East.
Gipanghimakak ni Tulfo ang mga hungihong nga walay pangandam ang gobyerno, dungan sa pagpasalig nga nakagana na ang ₱800 milyon alang sa DMW ug ₱500 milyon alang sa OWWA bisan pa man sa wala pa kini pormal nga gipangayo sa maong mga ahensya.