Nadag-ang P70K sa One-Two Panalo Part 24 promo, nakuha na

Pormal na nga nadawat ni Rosemarie Tablazon, residente sa Barangay Lumbo, dakbayan sa Valencia ang iyang premyo nga nagkantidad og P70K isip Second Prize winner sa Regional Draw sa “One Two Panalo Part 24” sa Bombo Radyo Philippines ug Star FM.

Gibutyag ni Tablazon nga mukabat sa 2,000 ka entries ang iyang gipadala gamit ang mga pakete sa produktong Orocan aron masiguro ang iyang tsansa nga madaog. Mapasalamaton ang maong ginang sa Bombo Radyo ug sa mga sponsors tungod sa dakong tabang nga iyang nadawat.

Plano ni Tablazon nga gamiton ang nadaug nga kantidad isip puhunan sa iyang negosyo samtang ang uban niini itagana sa pagbayad sa iyang mga utang.

Gidasig usab niini ang tanang mga tigpaminaw nga padayong musalmot sa mga promo sa Bombo Radyo.