Gipanalipdan sa Estados Unidos ug Israel ang ilang gipahigayon nga joint military operations batok sa Iran atol sa emergency meeting sa United Nations Security Council.
Samtang, gitawag sa Iran nga usa ka “war crime” ang pagkamatay sa mga sibilyan tungod sa mga airstrike.
Sumala ni U.S. Ambassador sa U.N. nga si Mike Waltz, dugay nang giila sa international community ang prinsipyo nga dili kinahanglan makabaton og nuclear weapon ang Iran.
Matud ni Waltz, nga adunay mga resolusyon sa U.N. nga wala matud pa gituman sa Tehran ug giingon nga ang ginabuhat sa Estados Unidos usa ka legal nga lakang alang sa global security.
Gibatikos usab ni Waltz ang presensya sa Iran sa maong meeting ug giingong nagpasipala sa U.N.
Gipahayag niini, nga magpabilin ang Amerika sa “moral clarity” diin nga nagkulang sa pipila ka bahin sa organisasyon.
Sa laing bahin, gipahayag ni Israeli Ambassador sa U.N. nga si Danny Danon nga husto ang ilang aksyon.
Matud ni Danon, wala sila molihok tungod sa kapungot o agresyon, kundili tungod sa panginahanglan.
Gisaway usab niya ang giingong “hypocrisy” sa pipila ka miyembro sa Security Council nga mikondena sa pag-atake sa U.S. ug Israel apan wala niini mikondena sa ganting lihok sa Iran.