Misangpot sa pagkansela ug pag-diversion ang nagkagrabe nga tensyon sa Middle East sa daghang internasyonal nga mga byahe.
Matud sa Civil Aviation Authority of the Philippines kon CAAP, 23 ka international flights ang nakansela samtang tulo ang na-divert tungod sa safety concerns ug airspace restrictions sukad nga gi-atake sa US ug Israel ang Iran kaniadtong Sabado, Pebrero 28.
Lakip sa mikanselar sa mga biyahe mao ang Cebu Pacific (2), Philippine Airlines (8), Qatar Airways (2), Gulf Air (1), Etihad Airways (4), ug Emirates (6).
Samtang adunay duha ka flights sa Philippine Airlines ug usa sa Qatar Airways ang gi-divert.
Sigon ni CAAP Director General Retired Lt. Gen. Raul Del Rosario, ang ahensya naghimo og mga proactive measures subay sa mando ni Presidente Ferdinand Marcos Jr. ug Transportation Secretary Giovanni Lopez aron masiguro ang kaluwasan sa mga pasahero ug tripulante.
Gitambagan usab ang mga apektadong pasahero nga mokontak sa mga airline alang sa rebooking, refund, ug updated nga impormasyon sa flight.