Gipahigayon ang Bukidnon 2026 Anti-Poverty Summit kagahapong adlawa, sa Valencia City, diin gipresentar ni Senator Juan Miguel Zubiri ang kahimtang sa mga kabos sa probinsya base sa datos nga gipagawas sa Philippine Statistics Authority.
Gibutyag ang datos gikan sa PSA (2023) nga ang Bukidnon nahimutang sa ika-26 nga pwesto sa labing kabos nga mga probinsya sa nasud diin lungsod sa Talakag ang nakatala og kinatas-ang poverty incidence nga miabot sa 40.5%, gisundan sa San Fernando, Damulog, ug uban pang mga munisipyo nga nag-atubang gihapon og dakong hagit sa kalisod.
Bisan kon ang Bukidnon giila nga “food basket” ug lakip sa top 10 nga kinadak-ang ekonomiya sa agrikultura sa nasud, gipasabot ni Sen. Zubiri nga kinahanglan pa ang mas seryosong pagtagad sa batakang panginahanglan sa katawhan aron maminusan ang kapobrehon.
Gipasiugdahan usab sa summit ang mga programa ni sa lokal nga kagamhanan ilabi na ang Bukidnon Coffee Roadmap, isip usa sa mga nag-unang pamaagi aron mahatagan og malungtarong panginabuhian ang mga mag-uuma.
Lakip sa nahisgutan mao ang pagbatok sa kawad-on nanginahanglan og dekalidad nga edukasyon, serbisyo sa panglawas, ug lig-on nga kolaborasyon tali sa tanang sektor sa gobyerno ug stakeholders.Â