Gikataho nga gidawat na ni kanhi Presidente Rodrigo Duterte ang gidangatan bisan matud pa mabugtoan kini sa ginhawa samtang nakakustodiya sa International Criminal Court kon ICC.
Sumala sa legal defense counsel niini nga si Nicholas Kaufman, gipaambit niini sa kliyente ang pipila sa mga panghitabo sa dihang nagsugod ang confirmation of charges.
Dugang pa niini, nga gikaingong wala’y interes ang kanhi Presidente nga mudepensa sa kaso.
Gimandoan na lamang matud pa niini si Kaufman nga buhaton ang trabaho tungod nahimo na niini ang katungdanan ug nagbilin usa ka legasiya sa nasud.
Kahinumdoman nga sa kataposang adlaw sa confirmation of charges, mihangyo si Kaufman nga buhian ang kanhi Presidente tungod gikaingong dili bug-at ang mga ebidensya batok kaniya.