Mipagawas og memorandum ang Comelec isip pahimangno sa pagpangampanya sa eleksyon nga kinahanglan tapuson sa Mayo 10, 2025, alas 11:59 sa gabie.
Kini nga pahimangno alang sa tanang kandidato, party-list groups, campaign teams, ug mga indibidwal nga nagpartisipar sa opisyal nga campaign period alang sa Mayo 12, 2025 nga national ug local election nga matapos sa alas 11:59 sa gabii sa Mayo 10, 2025.
Subay niini, ang bisan unsang porma sa pagpangampanya, lakip na ang mga partisan nga politikanhong aktibidad alayon sa bisan kinsang kandidato, ginadili na kon angay na tapuson sa oras nga giingon.
Ang tanang campaign materials, lakip ang mga poster, streamer, billboard, tarpaulin, ug uban pang propaganda sa tanang lokasyon, publiko ug pribado man kini, kinahanglan tangtangon sa dili molapas sa alas 12:00 sa tungang gabii sa Mayo 11, 2025.
Ang mga kandidato, party-list groups, ug ilang mga campaign teams gimandoan nga maghimo og dinaliang paglimpyo sa tanang campaign materials aron masiguro ang pagsunod sa mga balaod sa eleksyon, lakip na ang Fair Elections Act ug ang mga Comelec Resolutions.
Ang dili pagsunod sa maong mga regulasyon mahimong magresulta sa administratibong diskwalipikasyon o prosekusyon, nga magahatag og seryosong silot ubos sa mga balaod sa eleksyon.