Gipunting sa depensa ni kanhing Pangulong Rodrigo Duterte nga si Atty. Nicholas Kaufman nga imposible gamiton ang mga pamahayag sa kanhing pangulo isip basihan aron mapamatud-an ang criminal intent, samtang gipasidaan usab ang giingong dili kompleto nga presentasyon sa Prosekusyon sa tinuod nga konteksto sa mga pahayag sa kanhing punong ehekutibo.
Sa padayon sa ikatulong adlaw sa confirmation of charges hearing sa kaso nga Crimes Against Humanity, gipunting sa abogado ang ikaduhang pamahayag nga gigamit ni ICC Deputy Prosecutor Mame Mandiaye Niang sa iyang opening statement.
Ang maong pamahayag, sumala sa depensa, naghisgot sa pag-angkon ni Duterte sa responsibilidad ug sa iyang saad nga protektahan ang mga rogue officers gikan sa prosekusyon.
Gipahayag sa depensa nga gipakita lamang sa Deputy Prosecutor ang pipila ka bahin sa pamahayag sa pangulo.
Bisan pa man, giemphasize sa kampo ni Duterte nga aduna pay mahinungdanong bahin nga tinuyoang gikuha sa Prosekusyon.
Gipakita sa abogado ang sunod nga bahin sa maong pamahayag diin klaro nga nagmando ang kanhing pangulo sa mga awtoridad nga unahon ang malinawon nga pag-aresto.
Kahinumduman, gipasabot sa depensa nga bisan pa man nga giila ang kanhing pangulo sa iyang maisog nga pag-estorya, ang kinatibuk-ang mensahe sa direktiba mao ang pagdasig sa lawful self-defense.
Sumala sa abogado, ang tibuok pahayag nagpakita nga ang paggamit sa pagpugos o kusog gitugotan lamang kung adunay violent resistance nga nagbutang sa kinabuhi sa mga pulis sa peligro, ug nagpamatuod kini nga walay giingong criminal intent ang kanhing administrasyon.