Giklaro sa aktres nga si Kylie Padilla ang usa ka viral video diin nagtiaw ang aktres bahin sa posibilidad sa pagpapili sa amahan nga si Robin Padilla isip Bise Presidente sa umaabot nga 2028 Elections.
Ang maong katin-awan gihimo human makadawat og mga saway gikan sa pipila ka netizens nga nag-isip sa maong tiaw isip usa ka pambastos.
Pinaagi sa usa ka post, gipasabut ni Kylie nga walay tinguha nga pakaulawan ang amahan ug gani misalig kini sa mga hukom ug maayong buhat niini alang sa nasod.
Sumala pa sa aktres, ang pamahayag nga “molayas na ko sa Pilipinas” nagpasabut lamang sa tinguha nga makabaton og mamingaw ug malinawon nga kinabuhi.
Ang maong isyu nagsugod sa usa ka interview diin gipangutana ang aktres bahin sa reaksyon sa posibleng pagdagan ni Robin Padilla.
Kahinumduman nga niadtong Pebrero 20, nagpahayag ang senador nga dawat niini ang posibilidad nga mahimong kauban sa dagan ni Bise Presidente Sara Duterte kon hangyoon ni kanhi Pangulong Rodrigo Duterte.