19 patay human nahulog sa pangpang ang usa ka bus sa Nepal!

Nakalas ang 19 ka kinabuhi human mahulog sa pangpang ang gisakyang bus sa Dhading District sa Nepal.

Sumala sa imbestigasyon sa mga otoridad, gikan sa Pokhara paingon sa Kathmandu ang maong bus sa dihang nawad-an og kontrol ang drayber ug nahulog kini sa gilawmon nga gibana-bananang 200 ka metros.

Lakip sa mga namatay ang 24-anyos nga British national nga si Stewart Dominic Ethan, usa ka 40-anyos nga Chinese national nga babaye, ug 32-anyos nga lalaki gikan sa India.

Sa kinatibuk-an, 44 ka tawo ang sakay sa bus nga kadaghanan turista, diin 25 ang naangol lakip na ang drayber niini.