Opisyal nga giila sa Guinness World Records ang usa ka Maltese chocolatier human kini makamugna og pinakataas nga chocolate sculpture sa kalibutan.
Kini usa ka daang modelo sa tren nga adunay gitas-on nga 55.27 ka metros, nga mas taas pa sa usa ka Olympic swimming pool.
Ang maong obra nga hinimo sa purong Belgian chocolate naglangkob og usa ka locomotive ug 22 ka carriages nga matag usa motimbang og kapin 160 kilos, ug gipakita kini sa Milan ubos sa pagpanguna sa naghimo niini nga si Andrew Farrugia, senior lecturer sa culinary arts sa Institute of Tourism Studies sa Malta.
Matud pa ang pinakabag-ong obra, miabot og usa ka tuig ang pagpangandam og upat ka bulan ang aktwal nga produksyon, diin giuna kini og clay modeling sa wala pa maporma ang halos 5,000 ka piraso sa tsokolate nga mano-manong gihimo apil ang 180 ka ligid para sa mga carriages.