Kabsan sa kinabuhi ang usa ka miyembro sa New People’s Army samtang narekober usab ang usa ka high-powered firearm human sa engkwentro batok sa tropa sa 8th Infantry Battalion sa Sitio Tacocon, Barangay Kasapa II, La Paz, Agusan del Sur.
Sumala sa report, ang namatay usa ka high ranking officer sa grupo diin nahitabo ang engkwentro dihang nagbangga ang mga sundalo ug mga miyembro sa Communist Terrorist Groups atol sa ilang operasyon sa maong lugar.
Ang napusilan nga rebelde namatay sa maong engkwentro ug ang iyang identidad padayon pang gipamatud-an pinaagi sa tabang sa mga kanhi rebelde ug hustong pag-ila sa lawas.
Sa pagkakaron padayon ang operasyon sa militar sa maong lugar aron masiguro ang kalinaw ug mapugngan ang presensya sa mga armadong grupo.