Gipasabot sa eksperto nga ang paggamit sa droga sama sa shabu dili lang bisyo kundi grabe na kaayo ang epekto sa utok sa tawo, nga moresulta sa addiction nga lisod na gyud undangan.
Sa pakighinabi sa Bombo Radyo Malaybalay kay Kirk Valmores, Journey Home Wellness Center, nga ang droga naglihok sa “pleasure center” sa utok, naghatag og kachada ug kalipay sa unang paggamit, apan unya makalihok kini sa lawom nga panginahanglan nga wala nay kontrol ang tawo. Matod niya, kini mao ang hinungdan nga daghan nga nalumos sa paggamit, bisan pa sa pahimangno sa pamilya ug balaod, ug adunay uban nga mangawat o manulis tungod sa ilang addiction.
Giawhag ni Valmores ang publiko sa pagsabot sa seryosong epekto sa droga ug sa pagpangayo og tabang sa mga programa sama sa Journey Home Wellness Center aron malikayan ang kadaut sa kinabuhi ug pamilya.