Japan gikumpiska ang Chinese fishing vessel nga misulod sa ilang karagatan nga sakop sa nasud

Gikumpiska sa Japan ang usa ka barkong pangisda gikan sa China.

Sumala sa Japanese Fisheries Agency, wala motuman ang barko sa China sa ilang pahimangno human misulod kini sa exclusive economic zone sa Nagasaki Prefecture.

Gipahimangnoan ang kapitan sa barko nga mohunong alang sa inspeksyon sa mga otoridad apan wala kini motuman.

Adunay 11 ka tawo nga sakay sa barko, lakip ang kapitan nga usa ka 47-anyos nga Chinese national.

Dili kini ang unang higayon nga gikumpiska sa Japan ang barkong pangisda sa China, gumikan nahitabo na kini kaniadtong 2022.

Gisiguro ni Japanese Chief Cabinet Secretary Minoru Kihara nga dili sila mohunong sa pagkumpiska sa mga barkong nagbuhat og iligal nga pangisda sa ilang kadagatan.