Gipasidaan sa Hamas nga “walay pulos” ang padayon nga panaghisgot sa ceasefire ug hostage deal samtang giplano sa Israel ang mas halapad nga opensiba aron kuhaon ang tibuok Gaza.
Sumala sa opisyal sa Hamas nga si Bassem Naim, dili sila mosalmot sa bag-ong mga sugyot samtang nagpadayon ang giingong “giyera sa kagutom” sa Israel. Ang Israel mitug-an nga ang tumong sa opensiba mao ang pagluwas sa mga bihag ug ang “hingpit nga kapildihan” sa Hamas, lakip na ang pagkupot sa Gaza, pagpaling sa kadaghanan sa mga lumulupyo, ug pagkontrol sa tabang.
Gipahimangnoan sa UN Secretary General António Guterres nga ang dugay nga presensya sa militar sa Gaza magresulta sa mas daghang sibilyan nga mamatay ug mas lawom nga kadaot. Ang UK ug France nagpangayo og bag-ong proseso sa kalinaw, samtang si US President Donald Trump misaad sa pagtabang sa pagkaon sa Gaza.
Apan iyang gibasol ang Hamas sa pagkabahin sa kakuwang sa tabang. Kahinumduman nga giputol sa Israel ang tanang suplay sa Gaza niadtong Marso 2 ug nagpadayon sa opensiba duha ka semana human ang pagkahugno sa duha ka buwan nga ceasefire. Sumala sa Hamas-run health ministry, kapin sa 52,500 ang napatay sa Gaza sukad Oktubre 2023, lakip ang kapin 2,400 sukad nibalik ang opensiba sa Israel