Sugdan na sa Office of Civil Defense (OCD) Region 10 ang pagpahigayon og Rapid Damage Assessment and Needs Analysis (RDANA) sa dakbayan sa Iligan human sa mihapak si bagyo basyang sa dakbayan.
Sumala ni Director Antonio Sugarol sa Office of Civil Defense Region 10, nagpadala na sila og team sa Iligan aron sutaon ang dinaliang panginahanglan sa mga residente ug ang kinatibuk-ang damyos sa lugar gumikan sa bagyo.
Ang maong lakang gikinahanglan aron mapaspasan ang pagpadala sa mga relief efforts ngadto sa mga biktima.
Dugang pa ni Sugarol, ang datos nga makuha sa RDANA mao ang himuong basehan alang sa Post-Disaster Needs Assessment kon (PDNA).
Kini ang mahimong pundasyon sa paghimo og rehabilitation and recovery plan alang sa nagkadaiyang sektor sa maong lugar sama sa agrikultura, imprustuktura og ekonomiya sa maong lugar.
Tinguha sa maong plano nga siguruong mapatuman ang dinaliang pag-rebuild ug pag-recover sa mga apektadong dapit aron mabalik sa normal ang kinabuhi sa mga Sugboanon ug residente sa Iligan City human sa tropical depression.
Dugang pa sa direktor nga duha (2) ka adlaw ang pagahimuon nga assessment aron masuta ang kinatibuk-ang damyos ug mahibalik sa normal ang kaahimtang sa dakbayan.
Ang dugang pamahayag ni Director Antonio Sugarol sa Office of Civil Defense Region 10.
Subling giklaron usab sa opisyal nga nagpabilin ang Iligan City isip labing apektado sa pagkuso-kuso sa bagyong Basyang, samtang gipaambit usab niini nga anaaa na sa normal usab nga kahimtang ang lalawigan sa Bukidnon.