Gipadayag ni Rep. Leandro Leviste nga ibulgar niini ang mga ebidensya sa gikaingong kickbacks sa Department of Public Works and Highways projects sa tukmang panahon, taliwala nga magbyahe pa kini padulong sa laing nasud subay sa hangyo sa inahan nga si Sen. Loren Legarda.
Matud ni Leviste, gitambagan kini nga dili una ipagawas ang ebidensya tungod wala pa nag-istorya ang mga uban pang makapamatuod niini, apan aduna na kini nakaandam nga video ug mga dokumento aron masiguro nga mugawas ang tinuod taliwala sa unsa pa ang mahitabo kaniya.
Dugang pa niini, nga sa higayon nga magawas na kini, masabtan sa publiko ang hinungdan kung nganu padayon kini nga ginaatake.
Nahisgutan usab sa neophyte lawmaker nga ang ebidensya adunay kalabotan sa mga anomalous DPWH projects, nga kaniadto hawid ni kanhi Secretary Maria Catalina Cabral, ug adunay kalambigitan sa gikaingong pre-assigned projects sa pipila ka mambabalaod ug kontraktor adisir nga gidebatehan ang budget sa Kongreso.
Nanawagan usab kini sa publiko nga suportaan ang mga kasamtangan ug kanhi opisyal sa DPWH nga adunay kahibalo kalabot sa kickbacks aron mahimong whistleblowers, ug nanghinaot nga wala’y mga witness ang mabutang sa hulga ang kinabuhi o mabutang sa delikado ang kahimtang sa maong proseso.