Giklaro sa Kapamilya actress nga si Barbie Imperial nga wala kini kalabutan sa nahitabong panagbulag sa magtiayong Richard Gutierrez ug Sarah Lahbati.
Sa gipahigayon nga interbyu kagahapon direktang gitubag sa Blood vs Duty actress ang mga pagduda sa publiko.
Matud ni Imperial, nagsugod lamang ang ilang paghigugmaay ni Gutierrez human ang taas nga panahon sukad opisyal nga nabungkag ang relasyon sa aktor ug sa kanhi asawa niini.
Gawas nga gihimakak niini ang maong estorya, gipaambit usab ni Imperial ang mosunod nga malipayon kini sa kasamtangan ug dili pa gusto sa aktres nga mohatag og kasiguruhan kon sila na ba ang magkadayon sa aktor tungod kay dili niini gusto nga mag-una-una sa plano sa Diyos.
Gibutyag usab ni Barbie nga duna na silay maayong relasyon sa mga anak ni Richard ug lakip na sa tibuok pamilya niini.Kini nga katin-awan gihimo ni Barbie aron tul-iron ang mga “blind items” ug mga hungihong nga nanggawas sa social media nga naglambigit kaniya sa breakup sa magtiayong Gutierrez ug Lahbati.