- Advertisement -
Gibanabana nga mokabat sa ₱600,000 ang inisyal nga damyos sa sunog nga miigo sa 16 ka balay sa Upper Sitio San Carlos, Barangay Kuya, Maramag, Bukidnon niadtong miaging adlaw.
Sumala ni FO2 Ranio Ray Apuyos, Fire Arson Investigator sa Maramag Fire Station, napalong ang sunog alas 5:57 sa hapon. Wala pa matumbok kung asa nga panimalay nagsugod ang sunog, apan duha ka anggulo ang ilang gitan-aw sa imbestigasyon, lakip na ang posibleng electrical cause.
Baynte ka pamilya ang apektado sa insidente ug temporaryong gipahiluna sa San Carlos Elementary School samtang naghulat og tabang gikan sa nagkalain-laing ahensya sa gobyerno.
- Advertisement -