Kapin ₱27K nga balor sa shabu, nasakmit sa buy-bust sa Don Carlos; duha ka suspek, sikop

Kapin ₱27,000 nga kantidad sa gituohang shabu ang nakuha gikan sa duha ka bag-ong giila nga drug personalities human sila malampusong nasikop sa gipahigayon nga buy-bust operation didto sa Purok 2, Barangay Kiara, Don Carlos, Bukidnon, niadtong Enero 31.

Ang mga dinakpan nailhan nga sila alyas Jacku, 23 anyos, ug alyas Baldo, 28 anyos. Nasakmit sa mga otoridad gikan sa ilang posisyon ang 11 ka pakete sa shabu nga motimbang og 4.10 gramos, ₱1,500 nga cash, ug uban pang mga drug paraphernalia lakip na ang usa ka cellphone.

Sa pagkakaron, giandam na ang kasong kalapasan sa R.A. 9165 batok sa mga suspetsado samtang anaa na sila sa kustodiya sa kapulisan alang sa tukmang disposisyon.