Dismayado ang mga survivor ni Jeffrey Epstein human sa pagpagawas sa U.S. Department of Justice sa kapin tulo ka milyong dokumento kabahin sa kaso sa mitaliwang sex offender.
Matud pa, nga padayon nga protektado ang mga gikaingong sad-an samtang adunay impormasyon nga makaila gihapon sa mga biktima.
Miinsistir usab ang US Department of Justice nga ang White House wala makaimpluwensya sa imbestigasyon ug pagpagawas sa mga dokumento, ug ang Deputy Attorney General nga si Todd Blanche usab gihimakak nga adunay gitangtang nga bisan unsang sensitibo nga impormasyon aron mapanalipdan ang Presidente sa US nga si Donald Trump.
Nakita sa mga dokumento ang mga pangalan nila Donald Trump, Elon Musk, Bill Gates, ug kanhi U.K. Prince Andrew, apan wala’y usa kanila nga pormal nga giakusahan. Gi-redact usab ang tanan nga hulagway sa mga babaye ug batang babaye gawas kang Ghislaine Maxwell, nga gipahamtangan sa human trafficking ug kasamtangang nagserbisyo og 20 ka tuig nga pagkapriso.
Nanawagan ang 19 ka survivor sa tibuok transparency sa Epstein files ug nangayo nga kini hatagan og pagtagad sa Attorney General sa Kongreso.
Si Epstein, usa ka dato nga financier, namatay sa prisohan kaniadtong 2019 pinaagi sa suicide samtang naghulat sa pagdungog sa kaso sa sex trafficking sa mga menor-de-edad.