Giaprobahan sa security cabinet sa Israel ang plano nga maglakip sa pag-“kupot” sa Gaza, pagpahawa sa 2.1 milyong Palestino paingon sa habagatan, ug paghupot sa teritoryo. Gipadayag ni Prime Minister Benjamin Netanyahu nga ang plano “maayo” tungod kay kini mopadaug sa batok sa Hamas ug magbalik sa mga nabiling bihag.
Gisuportahan kini sa Chief of Staff sa Israeli army nga si Lt Gen Eyal Zamir, nga nagpatawag og linibo ka reservists aron palapdan ang opensiba.Gibutyag nga ang plano molungtad og buwan ug apil ang pagsakop sa dugang lugar ug pagpalapad sa buffer zone. Gitumong usab nga gamiton kini isip leverage sa negosasyon alang sa ceasefire ug hostage release. Samtang, ang plano sa Israel nga iagi sa mga pribadong kompanya ang humanitarian aid gikondena sa UN ug mga aid groups, nga mitawag niini nga “supak sa makatawhang prinsipyo” ug nagpasabot og kontrol sa pagkaon isip pwersa sa gubat.
Ang Hamas mitawag sa plano nga “political blackmail.”Ang Gaza nag-atubang sa grabe nga kakulang sa pagkaon ug tambal sukad sa blockade kaniadtong Marso 2. Sumala sa UN, obligasyon sa Israel nga masiguro ang suplay sa mga displaced nga populasyon.Gikan sa Hamas-run health ministry, 52,567 na ang patay sa Gaza sukad Oktubre 2023, lakip ang 2,459 sukad gipadayon ang opensiba niadtong Marso 18.