Gibatikos ni ML Party-list Rep. Leila de Lima ang desisyon sa Korte Suprema nga, matod niya, nagpaluya sa separation of powers bisan pa nga gipamatud-an sa Korte nga wala maabsuwelto si Bise Presidente Sara Duterte ug posible gihapon ang pagpahimutang og impeachment case batok kaniya.
Sumala ni De Lima, teknikal ang basihan sa ruling ug wala kini motan-aw sa substansya sa mga akusasyon, busa pwede gihapon magsumite og bag-ong impeachment complaint, bisan pareho og grounds. Apan iyang gipahayag nga ang pag-usab sa kahulugan sa impeachment initiation ug paghimong legal nga aksyon ang legislative inaction usa ka porma sa judicial overreach nga naglapas sa katungod sa Kamara.
Matod pa niya, ang maong desisyon nagmugna og delikadong precedent nga nagbag-o sa impeachment gikan sa usa ka political safeguard ngadto sa hudisyal nga kontroladong proseso, supak sa espiritu sa Konstitusyon.