Nagpagawas ang U.S. Justice Department og kapin tulo (3) ka milyones ka panid sa mga dokumento nga may kalabotan sa imbestigasyon batok kang Jeffrey Epstein.
Ang mga papeles naglakip og mga paghisgot sa mga impluwensyal nga personalidad sama ni President Donald Trump, Elon Musk, Bill Clinton, ug usa ka kanhi legal counsel sa White House panahon ni Barack Obama.
Lakip sa gipagawas ang usa ka lista sa Federal Bureau of Investigation (FBI) sa mga alegasyon nga may kalabotan kang Trump, apan daghan niini giingong naggikan sa wala pa mapamatud-ang mga tip.
Sa pamahayag sa White House nga gipadala sa media, gitawag sa Justice Department ang maong mga alegasyon nga walay basehan ug bakak, ug dugay na usab kining gipanghimakak ni Trump.
Matud ni Deputy Attorney General Todd Blanche, nahuman na ang pagrepaso sa mga Epstein files ug walay oversight ang White House sa maong proseso.