Mihunong sa 4.4 porsyento ang pagtubo sa ekonomiya sa Pilipinas niadtong tuig 2025, ang giingong kinaubsan nga natala sukad sa pagka-ulian sa nasod gikan sa epekto sa COVID-19 pandemic. Kini base sa pinakabag-o nga datos nga gipagawas sa Philippine Statistics Authority (PSA).
Bisan pa man og positibo ang pagtubo, mas hinay kini itandi sa mga milabayng tuig ug wala makaabot sa target sa gobyerno. Sumala sa mga eksperto, pipila sa mga hinungdan sa maong paghinay mao ang padayong pagtaas sa presyo sa mga paliton o inflation, ug ang pag-ubos sa gasto sa mga konsumidor tungod sa kalisod sa panahon.
Tungod niini, giingong usa kini ka dakong hagit alang sa administrasyon sa pagpangita og pamaagi aron madasig og balik nga mapalig-on ang ekonomiya sa nasod sa mosunod nga mga katuigan.