Mukabat sa P15,200 ang kantidad sa illegal nga sigarilyo nga nakumpiska sa mga otoridad atol sa usa ka operasyon batok sa smuggled cigarettes sa Purok Mercado, Barangay Tankulan, Poblacion, Manolo Fortich, Bukidnon kagahapon, Enero 26, 2025, alas 12:17 sa udto.
Naaresto sa maong operasyon ang duha ka suspek nga giila sa alyas “Jun,” 34 anyos, ug “Rogelio,” 30 anyos, puros mga lalaki, human madakpan sa aktong pagpamaligya sa gikaingong smuggled nga sigarilyo.
Sa pag-verify sa mga dokumento, napakyas ang mga suspek sa pagpakita og bisan unsang legal nga papeles nga naghatag og basehan sa pagkumpiska sa mga produkto.
Nakumpiska ang 10 ka reams sa smuggled nga sigarilyo nga adunay kinatibuk-ang kantidad nga P15,200.00.
Ang mga naaresto ug ang nakumpiskang ebidensya giturn-over sa Municipal Health Office sa Manolo Fortich, Bukidnon alang sa hustong disposasyon.