Nurse sa China gisuspinde human gihimong trabahante ang iyang uyab sa gitrabahoang ospital

Gisuspinde sa usa ka ospital sa China ang usa ka nurse human niya giuban ang iyang boyfriend sa iyang night duty ug gipabuhat kini og mga buluhaton nga para ra unta sa medical staff.

Nikatag ang isyu sa social media human niya gipost ang ilang “relationship goals” ug gipakita nga ang iyang uyab mitabang sa pagsulat sa reports, paggamit sa computer, pag-andam sa tambal ug pag-label sa mga IV bottles.

Daghang netizens ang mibatikos sa maong buhat ug nangutana kung kinsa ang manubag kung adunay masayop.

Tungod niini, gisuspinde ang nurse tungod sa paglapas sa mga lagda sa trabaho.