Gipadayag sa Philippine Sports Commission (PSC) nga andam na sila sa pag-host sa una nga Philippine Women’s Open.
Sumala kang PSC chairman Patric Gregorio, sa wala pa magsugod ang tournament qualifiers sa adlaw sa Sabado, 100 porsiyento nang andam ang tennis court sa Rizal Memorial Sports Complex.
Daghan matod pa siyang mga kausaban ug pag-ayo nga ilang gihimo, lakip na ang fan zone, garden, ug ang mismong mga playing courts.
Sugod pa niadtong bulan sa Disyembre, nakigtimbayayong na ang PSC, Department of Public Works and Highways, ug ang City Government sa Maynila aron ma-ayo ug mahikay pag-ayo ang Rizal Memorial Sports Complex.
Magsugod ang main draw matches sa Philippine Women’s Open gikan Enero 26 hangtod 31, samtang ang qualifiers pagahimoon gikan Enero 24 hangtod 25.