Pormal nang nipasaka og mga reklamong plunder, graft ug malversation si kanhi Senador Antonio Trillanes IV kauban ang grupong The Silent Majority (TSM) batok kang Bise Presidente Sara Duterte karong adlawa, Enero 21, 2026, sa Office of the Ombudsman sa Quezon City.
Ang 41 ka-panid nga reklamo gikan sa mga giingong iregularidad sa paggamit sa pundo sa kagamhanan.
Matud pa ni Trillanes, ang kaso base sa mga pamahayag ni Ramil Madriaga, usa ka kanhi aide ni Duterte, kinsa nagbutyag kon giunsa matud pa pagpagawas ang dagkong kantidad sa cash gikan sa confidential funds ngadto sa nagkalain-laing indibidwal.
Kasamtangan, gihulagway ni VP Sara Duterte ang maong lakang isip usa ka “fishing expedition” ug tinguha nga tabunan ang uban pang isyu sa korapsyon sa gobyerno.
Gibarugan sa Bise Presidente nga andam niyang atubangon ang tanang akusasyon sa korte.