Gitawag sa usa ka law expert nga huyang ang impeachment charges batok kang Presidente Ferdinand Marcos Jr. Matud ni Atty. Tony Laviñ a, eksperto sa balaod ug usa ka international lawyer, ang impeachment complaint nga gisang-at batok kang PBBM usa lamang ka taktika aron malikayan nga mapasakaan og impeachment sa sunod tuig sa wala pa ang eleksiyon.
Klaro matud pa nga ang maong lakang, tinuyuan aron i-dismiss sa umaabot nga panahon ug magpabiling gawasnon ang presidente sa umaabot nga tuig 2028 sa sunod nga bugnong lugaynon.
Dugang pa sa eksperto, walay igong basehan ug dili lig-on ang mga ebidensya sa subay sa impeachment complaint nga gisang-at. Nakita niini nga dili kini haom sa proseso aron mahimong balido ang gipahamtang impeachment case.
Hugot usab nga gipasabot niini nga bisan pa og nasayop ang presidente sa desisyon nga tugutang ipadala sa The Hague ang kanhi pangulong Rodrigo Duterte, dili kini pwede gamiton nga rason aron magpasaka og kasong impeachment.