Miresulta sa usa ka taas nga traffic ug kalit nga pagdagsa sa mga turista ang yano nga panawagan sa usa ka 20-anyos nga babaye sa Chongqing, China human siya nangayo og tabang sa social media aron mag-ihaaw og duha ka baboy para sa tradisyunal nga handa sa ilang baryo.
Nag-post si Daidai sa Douyin aron mangita og boluntaryo tungod kay tigulang na ang iyang amahan ug dili na niini kaya ang pag-ihaw sa baboy.
Misaad usab kini nga libre ang handa alang sa tanang mutambong.
Sulod lang sa usa ka adlaw, miabot sa kapin usa ka milyon ka likes ang iyang post ug nakadani og liboan ka bisita gikan sa nagkadaiyang bahin sa China.
Tungod sa kadaghang milatambong, na-lock ang mga dalan paingon sa maong baryo ug daghan ang napugos nga mulakaw nalang og lmubalik tungod sa grabe nga trapik.
Gumikan niini, nakulang ang duha ka baboy alang sa tanang bisita hinungdan nga midonate pa og dugang baboy ang lokal nga kagamhanan.
Matud ni Daidai, wala siya magdahom nga ing-ani kadaghan ang modayo ug nagpasalamat kini sa publiko, lokal nga opisyal, ug pulisya sa pagdumala tungod sa kahimtang.