Pormal nang gisumite karong adlawa sa Kamara de Representantes ang unang impeachment complaint batok kang Presidente Ferdinand “Bongbong” Marcos Jr. Ang reklamo gisumite ni Atty. Andre de Jesus sa Office of the Secretary General alas-8:45 sa buntag ug gi-endorso dayon ni Pusong Pinoy Party-list Rep. Jernie Jett Nisay.
Lakip sa mga pasangil ang betrayal of public trust kalambigit sa giingong pagtugyan kang kanhi Presidente Rodrigo Duterte ngadto sa International Criminal Court (ICC), seryosong paglapas sa Konstitusyon tungod sa wala pag-veto sa unprogrammed appropriations sa 2026 national budget, ug mga alegasyon sa graft and corruption sama sa kickbacks ug ghost projects. Nahilakip usab ang unfitness to serve tungod sa giingong paggamit og gidiling drugas.
Matod ni Rep. Nisay, human sa legal review sa iyang team, nakita nila nga adunay igong basehan ang reklamo. Gikompirma usab ni House Secretary General Cheloy Garafil nga nadawat na ang dokumento ug gi-beripikar karon sa dili pa ipadala sa Office of the Speaker ug sa House Committee on Justice alang sa tukmang proseso.