Gretchen Barretto, gikaingong wala nay planong mubalik sa showbiz

Taliwala sa init nga hisgutan kabahin sa pagpangita sa gambling tycoon nga si Atong Ang, gipadayag ni Gretchen Barretto nga wala na kini plano nga mobalik pa sa showbiz ug mas gipili na niini ang usa ka malinawon nga pamaagi sa pagpangabuhi.

Namatikdan ang aktres sa usa ka restawran sa Mandaluyong diin gipangutana kini kung aduna pa ba kini hunahuna nga mobalik sa industriya sa showbiz, apan klaro ug diretso ang tubag niini nga mas gusto na matud pa niini ang usa ka malinawon nga kinabuhi.

Sumala sa usa ka higala niini, wala na’y tinguha si Gretchen nga mosulod pag-usab sa kalibutan sa showbiz tungod sa dugang nga problema ug tensyon sa maong industriya.