Gipahayag ni House Deputy Speaker Ronaldo Puno nga walay tsansa nga mulampos ang bisan unsang impeachment complaint batok kang Presidente Ferdinand Marcos Jr. tungod sa kakulang sa factual grounds.
Matud pa ni Puno, chairman sa National Unity Party (NUP), dili suportahan sa mayorya sa Kamarabaha ang maong lakang. Gipasabot niini nga ubos sa bag-ong balaod sa Supreme Court, ang tanang impeachment complaint kinahanglan moagi una sa House Committee on Justice.
Gitun-an usab sa NUP ang ilang baruganan sa planong impeachment batok kang Bise Presidente Sara Duterte, diin matud ni Puno, kinahanglan pa nila kining basahon ug tun-an.Sa laing bahin, giduso sa NUP ang posibleng pagpalagpot kang Dasmariñas, Cavite Rep. Francisco “Kiko” Barzaga gikan sa Kamarabaha.
Kini tungod sa giingong outright defiance ni Barzaga sa mga desisyon sa House Committee on Ethics ug ang iyang mga kontrobersyal nga pamahayag batok sa mitaliwan nga si Rep. Romeo Acop.
Dugang ni Puno, dili na igo ang suspensyon tungod paglapas ni Barzaga sa mga balaod sa Kamarabaha ug ang pag-imbento og mga alegasyon nga walay basehan.
Gawas sa expulsion sa Kongreso, nag-andam usab ang NUP og bulag nga mga kasong legal batok kang Barzaga sa gawas sa lehislatura.