Batangas RTC nagpagawas og warrant of arrrest vs Atong Ang ug 20 kauban sa kaso sa nawalang mga sabungero

Nagpagawas na og warrant of arrest ang korte sa Batangas batok sa negosyanteng si Charlie “Atong” lakip ang 20 ka laing mga akusado may kalabotan sa kaso sa mga nawala nga sabungero.

Gikumpirma ni Prosecutor General Richard Anthony Fadullon nga ang Lipa City RTC niisyu og warrant alang sa unom (6) ka ihap sa kidnapping with homicide, diin walay gitugot nga piyansa alang sa temporaryong kagawasan sa mga akusado.

Tungod niini, nagkanayon si Justice Secretary Fredderick A. Vida nga magpagawas sila og Hold Departure Order (HDO) aron masiguro nga dili makagawas sa nasud ang mga akusado ug moatubang sa hearing.

Sa pikas bahin, padayong nanghimakak ang kampo ni Atong Ang ug namahayag nga inosente sila sa maong mga pasangil.