17 ka empleyado ug aplikante sa Valencia City positibo sa drug test

Subling gipahigayon sa Valencia City ang drug testing sa mga aplikante ug empleyado sa unang semana sa Enero 2026.

Subay sa maong adunay  17 mga tawo ang  nagpositibo sa illegal drugs diin  14 ka Job Order/Casual employees ug 3 ka bag-ong aplikante.

Ang nagpositibo nga aplikante dili makasulod isip trabahante sa city hall, samtang ang casual og job orders tangtangon kini sa ilang serbisyo.

Matud ni Jose  Galario, Jr., kanhi mayor sa Valencia City ug karon consultant sa lokal nga kagamhanan sa syudad nga ang drug test dili random, apan para sa mga aplikante ug existing Job Order/Casual employees.

Hinuon kon  magpositibo ang regular nga empleyado, hatagan kini sa  opsyon nga mopaubos sa rehabilitation o mukuha og confirmatory test.