Gikumpirma ang subo nga balita sa pagpanaw sa kanhi Binibining Pilipinas-Universe 1989 nga si Sara Jane Paez sa edad nga 57. Sumala sa mga report, ang kanhi beauty queen namatay niadtong adlaw’ng Domingo.
Wala pa hinuon gipagawas sa pamilya ang detalye sa hinungdan sa iyang kamatayon, apan daghan sa iyang mga higala ug kabanay ang nagpaabot sa ilang simpatiya pinaagi sa social media.
Si Sara Jane Paez nailhan kaniadto dili lang tungod sa iyang kaanyag kondili tungod usab sa iyang pagka-modelo ug pag-apil sa mga dekalidad nga beauty pageants sa nasud. Nahimo siyang representante sa Pilipinas sa Miss Universe pageant nga gipahigayon sa Cancun, Mexico niadtong tuig 1989.
Gawas sa iyang mubo nga panahon sa showbiz, nailhan usab siya sa iyang dedikasyon sa iyang pamilya ug pagka-inahan ngadto sa iyang duha ka mga anak. Nagbangutan karon ang kalibutan sa pageantry sa pagkawala sa usa sa mga “iconic” nga rayna sa dekada ’80.