3,000 anyos nga punuan sa kahoy, padayon pa nga namunga?

Makaplagan sa gamay’ng lungsod sa Ano Vouves sa Crete, Greece ang usa ka karaang natural, kahibulongan ug giila nga pinakatiguwang nga punuan sa olibo sa tibuok kalibutan.

Ang maong kahoy gituohang kapin sa 3,000 ka tuig na ang edad ug mas tigulang pa kaysa Parthenon ug sa panahon ni Alexander the Great.

Bisan pa sa milabayng libo-libo ka tuig gpabiling lig-on ug padayon ang pagpamunga niini  matag tuig.

Wala na kini’y heartwood tungod sa natural nga proseso sa kaugalingong pagbag-o diin ang sulod mamatay samtang motubo ang bag-ong kahoy sa gawas, hinungdan nga usa na kini karon ka protected monument nga adunay 12.5 ka metros nga circumference diin ginabisita sa kapin 20,000 ka turista matag tuig.