Human ang iyang dominanteng kadaugan batok ni Petra Marčinko, ang Pinay tennis sensation nga si Alex Eala andam na nga makig-atbang ni Magda Linette sa Poland sa Quarterfinal Round sa WTA 250 ASB Classic 2026.
Ang dula ni Eala batok sa 5th seed nga si Linette gikatakda nga isunod sa engkwentro tali nila ni Xinyu Wang ug Francesca Jones. Gilauman nga magsugod ang aksyon sa Centre Court pagkahuman sa alas-6:30 sa buntag (Philippine Standard Time).
Si Eala, nga kasamtangang anaa sa ika-53 nga pwesto sa WTA rankings, mosulay sa pagpilde sa mas eksperyensiyadong si Linette aron makasulod sa semifinals sa maong torneyo.
Kini ang usa sa pinaka-importante nga dula sa Pinay star sa pagsugod sa iyang 2026 season. Gawas sa singles, malampuson sab ang kampanya ni Eala sa doubles kauban si Iva Jovic human nila gipalagpot ang mga lig-on nga magduduwa sa unang mga round.